ABYDOS vel ABYDUS

ABYDOS, vel ABYDUS

urbs Asiae a Milesiis condita, Gyge Lydorum Rege permittente, qui totius Troadis imperium habuit: cui Sestos in Europâ opponitur, angustô intercedente mari; a casu virginis Hellespontô nuncupatô Musaeus:

Σηςὀς ἐην καὶ Α᾿ςςυδος ἐναντίον, ἐγγύςθι πόντου,

Γείτονές ἐισι πόληες. Ovid. Trist. 1. Eleg. 11. v. 27.

Quaque per angustas vectae male virginis undas

Seston Abydenâ separat unda fretum.

Id cum Asiam ab Europâ dividat, Xerxes ponte coniunxit. Sidon. Apollinaris. Carm. 11.

--- Nec tantae Seston iuncturut Abydo

Xerxes classis erat, tumidas cum sterneret undas,

Et pontum sub ponte daret.

Lucan. l. 2. v. 672.

Tales fama canit tumidum super aquora Xerxem

Construxisse vias, multum cum pontibus ausus,

Europamque Asiae, Sestonque admovit Abydo,

Incessitque fretum rapidi super Hellesponti. Idem l. 6. v. 55.

Tot potuêre manus adiungere Seston Abydo,

Ingestoque solô Phryxeum elidere vontum.